Директорга мукофот туланиши буйича маълумот

«Эски жува деҳқон бозори” акциядорлик жамиятининг ижро этувчи органи рахбарига мукофот пулининг тўлаш тартиби

1. Жамият ижро этувчи органи рахбари хар чорак сметага мувофик белгиланган соф фойдани ортиғи билан бажарса, Жамият ижро этувчи органи рахбарига соф фойданинг ошириб бажарилган кисмидан 10 % миқдорида мукофот пули  берилади.

2. Жорий даврда ижро этувчи орган раҳбарини мукофотлаш миқдори бизнес-режада назарда тутилган ижро этувчи органни моддий рағбатлантириш пули миқдорини самарадорликнинг йиғинди кўрсаткичи (СЙК)га кўпайтириш йўли билан аниқланади.

3. Агар СЙК ва уларнинг бажарилиши фоизи барча самарадорликнинг муҳим кўрсаткичлари (СМК)нинг камида ярмида прогноздан (мақсадли кўрсаткичдан) ошса, ташкилотнинг ваколатли бошқарув органи қарорига асосан ижро этувчи орган раҳбарини мукофотлаш миқдори бизнес-режада назарда тутилган мукофотлаш миқдорига нисбатан икки баробар оширилиши мумкин.

Келтириб ўтилган тўлаш тартиби ижро органи рахбари ва кузатув кенгаши раиси ўртасида тузилган меҳнат шартномаси хамда Ўзбекистон Республикаси Вазирлар Махкамасининг 2015 йил 28 июлдаги “Давлат улуши бўлган акциядорлик жамиятлари ва бошқа хўжалик юритувчи субъектлар фаолияти самарадорлигини баҳолаш  мезонларини жорий этиш тўғрисида”ги 207-сонли қарори асосида тайёрланган.